خواطر بدر بن عبد المحسن قصيرة

تمتلك خواطر بدر بن عبد المحسن طابع خاص، ويعود ذلك إلى نشأته في بيت عاشق للعلم والأدب، وقد تلقى دراسته الابتدائية حتى الثانوية ما بين المملكة، ومصر، واستكمل بعد ذلك بين بريطانيا والولايات المتحدة، خلال رحلته التعليمية في هذه البلاد التقي بالعديد من الأدباء والمفكرين وكذلك الفنانين، ولعل أهمهم الشاعر أحمد رامي، والموسيقار محمد عبد الوهاب.

خواطر بدر بن عبد المحسن

قدم بدر بن عبدالمحسن مجموعة مميزة من الخواطر المميزة في معظم الدول العربية، ومن أهمها:

سافري

سافري كان يرضيك السفر	جربي لو ورى ليلي صباح
بدلي الرمل بأمواج البحر	واتبعي الغيم تحملك الرياح
سافري لين تبكين المطر	واضحكي لين ما يضيق البراح
ولا تعبتي وحسيتي بضجر	خلي الشوق لديارك جناح
أرجعي في ابتساماتك عذر	مثل ما الدمع في عيني سماح
انتي العين من طول النظر	وانتي القلب من كثر الجراح

الروح الجريحة

يا عذولي وش تفيد به النصيحه لا تعذل القلب وجروحه طريّه

من يداوي علة الروح الجريحه ومن يسلي دمعة العين الشقيه

ان شكيت من الهوى قالوا فضيحه وان سكت استنقدوا جرحي عليه

وان نويت البعد ضاقت بي الفسيحه وان بغيت القرب خان القرب فيه

من عذلني في الهوى الله يبيحه ومن عذرني ما حصل مني خطية

سيف الغضبان

أفداك أنا كلي

عودي غصن يابس

لا تحرقيني اليوم

حر وسموم وصيف

إنتي إجلسي فــ ظلي ولا جا الشتاء يمدي

لا تجرديني اليوم خليني في غمدي

سيف الغضب ماضي خلي الكلام يموت

ووقت الغضب ماضي لا ترجعيه بصوت

وش كثر أنا راضي حبيبتي عندي

قولي لي يا بعدي يومين ماشفتك

يومين مالي عيون

محروقه أجفاني بشموع إحساسي

كانت دموعي فوق وجهي وانفاسي

وظلي على كتفك وراسي على زندي

أفداك أنا والله لاتسمعي رعدي

ولا يزعجك برقي

انا لو شكيت أحلم

ما به زمن نندم ومابه عمر للخوف

إنتي احفظيني فم ولا تحفظيني حروف

ولو غرقت فــ يم

لا تعشقي بعدي

دروب الأرض

دروب الأرض

توصلنا الاماكن وترجع !!

ويكفي هالسفر عذروب

بأن الأرض ما تقوى الهروب

دروب وغير الارض

وين بتروح تسافر

كان الصوت يرجع للحناجر

كان الجرح يرجع للخناجر

مثل كل الطيور اللي تهاجر

وترجع كل مرة

تعب هالبحر لا يجتاز

جدران السواحل

انا لي سنين راحل

حملت الطين

كله .. لكل الطين

قلي يا انا

الى متى وانت

على هذا الأنا مصلوب

دروب الأرض .. لكن

ذليل الدمع

أنا مانيب شاكي .. ولا عتاب كفاني اشطون	هواك اللي نثرته لاتعجب لاأنكسر كاسه
ترى ما يذبح العاشق مثل دمعٍ بكته اعيون	على موت الأمل واللي يحبه هو سبب ياسه
حبيبي ما خبرت الدمع يرقا وجنة المشطون	ذليل الدمع .. لابد يتحدر لو رفع راسه
بقالي عزتي ياللي على اللي ما سواها تمون	وأظنك ما سمعت بعاشقٍ قلبه عصى وداسه
أنا الحطاب في قاعٍ جرد ما به شجر وغصون	حداه البرد والليل الطويل وشب في فاسه

سوالف عرب على جال ضوهم

عبر العصور السالفه

كانوا العرب يشرون

المهر  بمية ناقة

كانوا الرجال مثل الرماح

قاماتهم مشدودةٍ ودقاقة

وكانوا الحريم صبرٍ قديم

وفا وسماح

والى اقطعوا عن الفطيم الحليب

قصوا عسيب من انخله

واعطوه له وقالوا فرس

أعطوا الصغير سيفٍ خشب

ومجدٍ يحبه يوالفه

السالفه رغم الفقر

والجهل واوقات المرض

ماكان للبسمة غرض

ولا كان للدمعه غرض

ماكان في الدنيا سوى

ثوب ورغيف وعرض نظيف

وكرامةٍ ماهي تمس

السالفه اني أحس

انا عكسنا السالفه

صحيح قهرنا الفقر

والجهل وأيام المرض

لكن غدى لكل شي غرض

السالفه ان القديم

كله غدينا انخالفه

ابدون وعى والابوعى

ما انتم معي انها قديمه السالفه

أفضل قصائد بدر بن عبد المحسن

إليكم مجموعة متميزة من أفضل قصائد الشاعر المعروف بدر بن عبدالمحسن، التي نالت الإعجاب:

شمس الورق

أنا بظهر من سكوتي قبل شمس الورق ما تغيب

قبل حبر الليالي يجف .. وأنا ما غنت جروحي

قصيدة .. خذتها من طفل .. ما أظنه أبد بيشيب

ولكنه نزح عني .. مثل إحساسي بروحي

أبا اكتب للسماء نجمه.. ابا اكتب للخزامى طيب

واباكتب لين أحس القلب لا يكتب ولا يوحي

يموت في قلبي الشاعر ويغتال المشاعر ذيب

ولا أدري أفزع لضحكي .. أو أحمي صرختي ونوحي

حزينة هالقوافي لا .. ولكن من يعرف الغيب

سعيدة هالقوافي .. بـ انتظر لين آخرة بوحي

تعالي نتيع الضي البعيد في عتمة التغريب

ولو مليتي من أجمل قصايد غربتي روحي

أنا النخيل

بين القلم وأصابعي والورق شوق

عشرين حولٍ .. من كتبت القصايد

من يوم بان القلب .. وأخفيت بالموق

دمع .. وغدالي بالمحبة .. وعايد

كتبت ما كني على الشعر مسبوق

وقريت ماكن افـ قصيدي .. جدايد

ونزفت لين اتعبت لا حصل اعروق

وسهرت لين أمست نجومي قلايد

وصرت الليالي بين عاشق ومعشوق

وصرت الوصل ما بين حاضر وبايد

أنا النخيل وشعري اظلال وعذوق

وانا السحاب اللي على الناس جايد

وفـ ليلةِ حسيت من جرحي اعقوق

وقف النزيف وما بذي له عوايد

صار الورق ما بين مهمل ومشقوق

وحار القلم ما بين ناقص وزايد

من الشعر مليت يا حادي النوق

ومن الجروح اللي .. تمل الضمايد

ومن الحروف ونقصها مع هل السوق

وكذب الحسود .. وهم راعي المكايد

ومجاد لي في كل ساذج ومطروق

وخوفي على غر المعاني الفرايد

عشر سنين وعشر .. والجوف محروق

ما غير أشب أطراف ليلي وقايد

مانيب أدور من ورى نزفي احقوق

ولا أبي من سهر عيني فوايد

لو ما بقالي في الملا غير مخلوق

لا من ذكر شعري .. جفته الوسايد

كني بجبين الشمس .. والليل مفروق

وكني بدمعٍ .. فوق خده نضايد

افداه عمري .. ماشكى صاحبه عوق

لا شك ما في النفس لو قيل كايد

قصائد مشهورة لابن عبد المحسن

قدم بدر بن عبدالمحسن عدد متنوع من القصائد والأشعار الرائعة التي جعلت منه شاعر مبدع في المملكة، ومن أفضل قصائده:

اغصان المساويك

تجلس عجوز .. في أول السوق ..

وبين الشبابيك .. وتبيع السوالف ..

وأغصان المساويك ..

وما يخالف .. لو باعتني الحكي ..

الحكي غالي هالأيام ..

مريتها .. أبي الكلام ..

قلت: يا خالة أنا ..

إن نسوني الناس .. زعلت ..

والى اذكروني الناس .. زعلت ..

صمتي وحروفي مبعثرة ..

ضحكت وقالت:

لو عدلت .. سلمت قلب وحنجره ..

ماعطيتها فلوس على هذا التعب ..

وما ريحتني من التعب ..

قمت وعلى عيوني غباش ..

مدت لي مسواك جديد ..

عييت ..

وقالت لي بلاش ..

إن كانت سنونك نظاف ..

حطه في جيبك يا ولدي ..

يجلي محانيك الرهاف ..

من كل إحساس ردي ..

عض النواجذ

أقوم بجبالٍ ولا أقيم في سفح

لو أطعموا لحمي لعوج المخالب

يا بنت ما به ذنب يصعب على الصفح

كود الهوان وعيش سحم الثعالب

لا والذي كرّم جديلك عن النفح

العز ما هو بين شاري وجالب

الله خلقنا .. تلفح وجيهينا لفح

حر السمايم في عزيز المطالب

سوى رضينا أو طفح كيلنا طفح

عض النواجذ طبع والطبع غالب

أنشد البحار

أنشد البحار على سر الحنين

عن قصيد البحر .. وجروح السفين

عن حبال الشوق تظمأ للشطوط

عن حروق الملح في شفاه السنين

ما عرفت الغوص في اليم المخيف

ولا رهنت العمر في الدر الثمين

جيت أنا من نجد .. في قلبي الرياض

وفي عروقي التهم .. والبيت الأمين

في كفوفي تصرم نخيل الحسا

ومن ذواري الرمل غادي لي جبين

جيتكم .. والعشق يطرحني سؤال

هو صحيح الشط له صدر ويدين

عانقتني بيوتكم .. وأنا بعيد

ما عبرت الجسر .. ما شفت القطين

ياهوى البحرين مريت الديار

عابرٍ والقلب باللهفة ضنين

لين حطت بي رحالي في هواك

وانبعث نبع المحبة في الكنين

اقرأ أيضاً: افضل خواطر عن الوفاء والإخلاص

حياة الامير بدر بن عبد المحسن الأدبية

لقد قام بدر بن عبد المحسن بعدد كبير من الأمسيات الشعرية، وقد تم إقامة أول أمسية شعرية له في نادي الإتحاد بجدة، ثم بدأت الأمسيات الشعرية تتوالي في بلاد البحرين، والإمارات، والكويت، علاوة على الأمسيات الشعرية في السُعودية.

يعد الشاعر بدر بن عبد المحسن بن عبد العزيز آل سعود من المشهورين في الساحة السُعودية وكذلك العربية، وهو أحد أهم روّاد الحداثة الشعرية في الجزيرة العربية، وعُرف بلقب “مهندس الكلمة”، وذلك بسبب المجهودات الهائلة في وضع النصوص الأدبية المعروفة بمستواها الراقي، الذي يجمع بين كلٍ من الغزل والفخر والرثاء، علاوة على الواقع الاجتماعي والسياسي للعالم العربي.

اقرأ أيضاً: افضل خواطر جميلة عن الحياة معبرة

نظراً لرحلة بدر بن عبد المحسن التعليمية التي كانت بين أكثر من دولة، تمكن من رؤية العديد من الشعراء والأدباء الذين كان لهم تأثير واضح في حياته الأدبية، حيثُ تمكن من تقديم خواطر وقصائد شعرية متعددة، كانت لها تأثير كبير في حياته، وتولى رئاسة الجمعية السعودية للثقافة والفنون، الذي ساعد في ارتقائها.

قدمنا لكم أهم المعلومات عن خواطر بدر بن عبد المحسن قصيرة، نتمنى أن نكون قد افدناكم راسلونا من خلال التعليقات أسفل المقالة وسوف يتم الرد عليها في أقرب وقت.